今日上数据结构风光咗一把

　　呢个学期我地班好好彩，专业课三科都分到咗院里边最好嘅老师，张小健教数据结构，王辉教电路分析，王娜教数字电路。因为咁，我嘅厌学情绪大大减小。自认为此等机会千载难逢，绕地球一圈大概需要 360 年，一直觉得係上天嘅眷顾，係呢种大好嘅情况下仲唔好好学真係对唔住上天，对唔住老师，对唔住自己。有咗学习动力，学习起嚟真係几开心嘎。而我今日就风光咗一把。
　　今日朝早上嘅係数据结构，开始嘅时候大家同小健老师缺少互动，搞到佢埋怨咗一下，话六班佢地好好多，上课嘅时候气氛唔会咁沉闷。我内心里边一直唔认为六班呢个“试验班”比我地普通班有能耐几多，里边嘅学生不过係高考成绩高 d，而大学係一个新起点，以前嘅嘢影响唔会太大，更何况我自认为係计算机专业方面我比其他人更胜一筹，我又点可以忍耐畀人地比低？就係因为呢个小小嘅原因，我觉得我应该更加活跃一 d 啦，话畀小健听我地唔係草包，学阿猥话斋“是精子的总会发光”，或者我可以发下光呢？其实我唔做乜大动作，只不过係紧跟小健嘅讲课思路咯，呢个对我嚟讲其实无乜难度，小健要照顾其他人，讲课速度已经放到好慢，一般情况下，小健讲一段代码我都可以比较快知道佢嘅意思，理解咗就自然跟得上，跟得上就自然回答到佢嘅问题咯。係临落课嘅时候，小健要我地写个检验栈数组是否已满嘅函数，呢个函数其实再简单不过啦，只不过係判断下当前进栈数是否超过数组长度，不过写法又的确有好多种，而我一开始就想到个小健认为係最佳嘅果个，搞到佢有 d 惊讶，仲问我係跟边个学 C 嘅，当时第一反应我想到嘅係果本 C 语言之父写嘅“名著”，于是就顺口答“C 语言之父”，无估到呢个答案搞到间课室热闹起嚟，小健话：“他是跟 C 之父学的，这就没有办法了，原本我还想给你们‘抖’一‘抖’的，现在都给他‘抖’出来了”。于是呢堂课跳过咗大家慢慢摸索正确答案嘅阶段，直奔正确答案，于是提前落课咯。花露水话我帮大家节省咗唔少时间，听到真係几开心嘎。