下奏係宿舍钓墨鱼兼玩智力问答嘅时候，听到两个大一师弟军训归来迈着豪迈脚步步向宿舍时谈笑不凡，我即刻意识到大事要发生啦，然而係之后我发现我预料嘅无发生，倒係发生咗仲闭嘅事。
钓墨鱼兼玩智力问答直到时间差不多要去上网球课啦，我同三水埋出门咯，点知出门真係啱时候啊，周街都係军训凯旋嘅亲爱嘅 C 弟 C 妹啊，俗语话 people mountain people sea，用係呢度真係最好不过啦，我同三水係走桂庙果间水木缘隔蓠嘅楼梯嘅时候，居然无订企啊。不过，睇到 C 弟 C 妹们返咗嚟，个个无穿无烂顶得住，桂庙一下子热闹咗咁多，真係几开心嘎。
去到网球场等咗无几耐就见到係淫大人嘅护驾下朵朵格格驾到啦，拜见完格格后就上课咯。上课腾嚟腾去，又掉波又捡波，搞到身水身汗，不过几开心咯。但係呢我向老师提出嘅调课请求畀老师毅然决然咁拒绝咗，不过我唔打算放弃，嗯。。。其实我想放弃都唔得啦，唔通真係拿个F咩，下次要再去烦佢，希望条老师畀条生路我行啦。玩完打算走嘅时候发生大件事咯。。。格格畀花露水一个急 call call 鬼走咗，叫我地帮佢揾下个士多啤梨书包，揾咗鬼咁死耐，又身水身汗啦，无几耐花露水同格格驾到啦，花露水好恼咁：“扑街！”，竟然一手将佢个手机 dum 咗落地，真係吓人啦，听佢讲下闹下，我慢慢明白咗 d 嘢：格格个包畀人偷咗！仲加屌嘅係个贼仔居然打电话玩花露水，呃佢话係海边球场捡到个包，要佢去拿，搞到佢跑咗几里路，去到嘅时候竟然唔见人！真係难怪佢咁恼啊。格格个书包里边唔少重要嘢嘎，有手机啦，各种证件啦，噢，仲有 60 大洋咁多啊！係呢个时候，淫大人突然一惊！即刻检查自己个银包，发现 200 大洋无咗啊！不过据佢所说，仲好 d 卡仲係度，係之后经过讨论后一致认定 CIE 大名帮佢挡咗一劫。听花露水话，佢叫个贼仔将个包送到西南保安亭，于是大家一致决定前往西南保安亭问个究竟。结果係令人失望嘅，足足揾个 3 个保安亭问咗 n 个保安大哥大姐，结果一无所获。呢个时候，大家都攰到毛麟，身心疲惫咯。。。格格叫我地返去，我地想既然都帮唔到乜咯，咁只好返归咯。。。走嘅时候花露水叫格格返屋企，摞佢张身份证同埋注销晒 d 丢失嘅证件，以免畀条屌人利用。返宿舍咯，我地就以为事件要告一段落啦。点知！返咗宿舍后，大家惊魂未定之间，从良中嘅淫大人嘅电话响咗，係我嘅无私殷勤嘅帮助下，淫大人顺利接通咗电话，係电话里边得知格格竟然未返屋企，而福晋又无法手机联络到格格，即係话格格失踪咗啊！真係大件事啦，淫大人同埋在场嘅花露水同我都无比震惊，花露水跟係表现得忐忑不安。不久后，救女心切嘅花露水同志终于按耐不住啦，同我讲咗一声“我要去揾人啦！”，然后就离开羊群，开始咗佢今晚嘅历险之旅。。。我地又一次陷入未知嘅不安之中。终于到咗九点半，淫大人突然又收到一个嚟自花露水嘅电话，“花露水依家係宝安区！”，唔係化。。。我同三水以及淫大人再次震惊！淫大人同花露水嘅电话交谈继续中，“乜话？你去咗五区？！果度好乱嘎喔！”，咦？我同三水一听“好乱”两个字就即刻联想到果 d 畀人剁手指啊，偷大肠啊等等恐怖嘅画面，即刻担心起花露水嘅安危起嚟。随住淫大人同花露水一路咁讲落去，大家知道依家花露水嘅情况真係唔係拱笑！佢係杀去格格屋企途中同福晋倾电话倾下倾下倾到荡失咗路，而且身上嘅钱唔够 10 蚊，想搭车返羊群都唔得咯，呢个时候熟悉宝安区一带地形嘅淫大人真係发挥无限智慧，悉心指导，可惜依然毫无效果，于是大家群策群力，边食住安眠药（奥利奥）定惊，边共商引领花露水回归羊群之计策，罗记同志曾经讲过“其实，花露水可以搭的士嚟到羊群楼下，然后我地帮佢畀钱”，由于我唔熟悉宝安区，开始时对此提议高度欣赏，结果淫大人呢个宝安通一句话否决了这个提议，“绿的入唔到关嘎！宝安又好少红的”，嗯。。。真係郁闷啦。大家等待若干时辰后，係度写紧拔甩嘅我突然发现，身后有一个人影飘过，顿时意识到大家所期待嘅果个花驸马终于返嚟啦！！！即刻起立拍掌高呼热烈欢迎呢个勇士返归羊群！！！好快整个羊群嘅人都高呼鼓掌，羊群顿时无比热闹，一切又告一段落，虽说唔係大团圆结局，但係都的确係不幸中大幸啦。
之后，事情终于开始向好嘅方面发展啦，大概 10 分钟前，花露水话格格个包揾返啦，原本绝望嘅事情竟然发生咗咯，花露水用短信係咁烦个衰贼，终于感动咗佢，咦嘻嘻，条友终于拿咗个袋到西南保安亭咯，不过个包里边 d 值钱嘢就都无晒咯，个贼真係可恶，欠抽异常啊，虽然仲有 d 人性，但係依然不可原谅啊！羊群九·二八事件之鹏鹏角度，暂告一段落。。。
今日点题：日值月破，诸事不宜，不过不幸中有大幸。
