漢城博殺的日子 （四）

21日8月2004年， 星期六 移交儀式正式落幕

苦戰咗两日，终于成功擺平個電話價格匯率表同正式啓用新系统嘞！

今早犹如例排去Cafe Royal度吃自助早餐，吃完就返房休息到下午十二點幾先再去睇下嗰新系统有冇乜頭晕身熱咁。好彩就冇乜事，而阿Ray就喺度冩紧报告俾有關單位。我既然難得咁清閑，所以就獨自走去Myung Dong購物街度周圍行吓同埋揾阿葛嘅二老同佢條女。果度真喺大，條條街都可以左穿右插，為有喺咁意打咗嗰白鸽轉（因為约咗阿Ray三點去O'KIM度吃晏）。期間見到有人賣雪糕（啲喺非一般嘅雪糕嚟架~ 杯杯都高37厘米架。。。就賣1000 WON一杯），可惜我就冇買嚟吃，因為條人龍好跨張吖~ 我仲見到間冇Mc Donnald字眼嘅麥記添。喺依度就咩都冇買，因為样样嘢底價都起碼三個零打底（1000 WON相等于1美金）。返到酒店就嗱嗱聲去揾阿Ray一齐去吃晏嘞，吃乜？更喺試新嘢啦。。。阿Ray就嗌Fish & Chip，而我就嗌大葱配大腸（下邊張相就喺嘞）。

吃完晏冇幾耐，另一個PBX房嘅工程師就再带我去Myung Dong購物街，南大門市場，LOTTE商場同埋另一個唔知叫乜嘅市場度揾阿葛嘅二老。但就一無收穫，事關竟然冇人識阿葛哦~ 岂有此理。。。

當晚，PBX房嘅两位工程師就带阿Ray同我哋去吃地道韓國餐（我都唔喺好記得嗰餐叫咩名堂咗）。但吃法就好鬼盏；首先攞片菜（黄芽白）葉，然後放片猪肉加蒜米，泡菜（KIMCHI），盐同熟油後再將全部包起嚟；最後就放落口度嘞~ 同時又飮韓國土炮（酒），大家飮饱吃醉後就各自收隊归家嘞。