漢城博殺的日子 （二）

19日8月2004年， 星期四 PBX房里埋頭苦干的小伙子

今朝起身梳洗後就去柜臺退房（間總統套房），然就後去PBX房度重遇啲老系统；打完招呼後就整式開波帮個系统升级。點知一開波就“噠Q”咗。。。時關VB6程式硬撼VB4平臺；時前以為冇乜相干，點知有啲文檔新舊版嘅問題~ 搞到要即時動咗五個鍾嘅手術嚟左切右補拾番靓佢。搞埋啲手尾就走去吃high tea；因為已冇乜選擇咗（成两點九）。吃玩嘢又再返去帮嗰老系统撿查吓啲心肝脾肺；唔喺今晚零晨移交儀式一有乜依郁就認真攞命囖。。。

搞咗咁多嘢之後又話吃晚餐時份，而今晚就去吃自助餐。都好豐富架。。。首先嚟啲肉纇加泰式抄飯，然後三文鱼加意大利粉同埋啲唔知叫乜而有好好吃嘅拌菜；最後嚟碟生果加cheese蛋糕。嘆完晚餐就返房休息等陣零晨再冲刺。今日真喺真喺好忙嗰隻~ 忙到未曾踏出酒店門口半步。。。但屎就疴番一两督嘅。

期間發现呢間酒店原來好鬼先進，前衞到連喺大堂坐電梯上房都要喺嗰電梯里面flash吓（揚幾揚）張房門嘅智能卡先可以按要上幾樓。否则就咪使旨意上到樓吖~ 除咗呢样，酒店更提供流動客房電話。即喺話如果你喺酒店方圓一两公里攞住部電話都可以接聽朋友打去你房嘅來電，留言，更加可以打電話添（國際或本地）。。。認真够嗮天下無敵吖~

以下就喺嗰流動電話真身嘞。。。